Pælingar um áfangann

Hef alltaf langað til að vera mjög góð í að stílisera gínur og eftir þennan áfanga finnst mér ég vera orðin nokkuð góð í því. Fannst hárteikningarnar og gínuverkefnið mest skemmtilegast. Þessi áfangi kenndi mér að sjá betur hvernig ætti að teikna eftir fyrirmyndum og sjá negatívu hliðina. Lærði einnig að nota pappírsvöndul og blender penna sem ég nota oftast núna þegar ég er að teikna. Það kom mér skemmtilega á óvart að sjá árangurinn hjá mér eftir áfangann.

Takk fyrir önnina :)

Eyrún Lýdía Sævarsdóttir

Pælingar um áfangann

Ég vildi að ég hefði ekki verið í árekstri í þessum áfanga, það var mjög slæmt. Fannst ég missa af mikilli kennslu sem mér fannst ég þurfa á að halda. Fyrir mig hefði verið betra að taka meiri æfingar í stigum, t.d. við fellingar og rykkingar.
Ég hafði ekki sérstaklega gaman af gínuverkefninu, þar er kannski um að kenna að ég komst í fáa tíma og vissi því ekki mikið hvað ég átti að vera að gera. Engu að síður ágætis áfangi og ég lærði nú alveg slatta þrátt fyrir allt. Fannst reyndar mjög óþægilegt að fá ekki fyrirmyndir, fór allt of langur (dýrmætur) tími í það að vafra um á netinu að leita að myndum sem ég vissi varla hvernig áttu að vera. Finnst allt í góðu að fá aðeins meiri mötun í fyrsta teikniáfanga ;)
Takk fyrir önnina.

Jórunn

Pælingar um áfangan

Þetta var mjög skemmtilegur áfangi að mínu mati, ég lærði alveg heilan helling í honum. Ekki bara það að teikna og sjá hlutina betur heldur líka að þora að skissa bara eitthvað upp og ekki láta hvíta blaðið verða ógnandi! Einnig það að æfa sig að gera hraðskissur en ekki bara nákvæmismyndir. Mér fannst virkilega gaman að heyra sögu kennarans og sjá möppu hennar, því það tengdi þetta allt betur saman við það sem gæti komið seinna. Ánægð með kennslu á netsíðum eins og pinterest sem er flottur hugmyndabanki, ég hefði aldrei fattað að nota það sjálf ;)

Pælingar ITF

Pælingar Þralls

Ég hef skemmt mér konunglega í ITF.
Langar að benda á gagnlega hluti sem ég hef lært/tileinkað mér.
Fyrst ber að nefna Pinterest, ég veit ekki hvar ég væri í lífinu án Pinterest og hafði ekki hugmynd um að þessi síða væri til áður en ég heyrði um hana í tímum.
Mér hefur farið fram í teikningu andlits. Svo finnst mér voða skemmtilegt að leita að og safna áferðum. Hefði aldrei dottið til hugar að nota eldavélahellu í tískuteikningu annars. Þrýstilínur í hári, vörum og augum er snilld, hef átt í erfiðleikum með þessa hluti. Skissurnar í byrjun áfangans voru svo leiðinlegar að ég dó næstum því, en ég býst við því að allur grunnur er leiðinlegur. (Í vinnunni hjá mér byrja allir á því að vaska upp t.d.)
Hefði viljað læra líka að stílísera menn. Því menn eru líka fab.

Takk fyrir mig
                        Þrallur  (Þórhallur Hafþórsson)

Hugleiðingar um áfangann

Ég hef aldrei teiknað neitt áður af viti. Þessi áfangi kenndi mér að sjá betur hlutina í kringum mig, að ná betra valdi á blýantinum og að verða öruggari með skissuvinnu. Það kom mér skemmtilega á óvart að sjá árangurinn.

Takk fyrir önnina :)

Íris Sif Kristjánsdóttir

Hugleiðingar um ITF102

Mér fannst þessi áfangi mjög skemmtilegur, gaman að fá að læra teikna loksins en

eg lærði helling á þessum áfanga, og þetta á eftir að nýtast mer vel. Mér fannst skemmtilegast að læra að 

teikna stiliseruðu gínuna, og leika mer að breyta henni svona,  og þegar eg lærði að teikna  andlitið og lærði að skyggja 

eftir því. Ég lærði mest á þvi að  þegar kennarinn gekk á milli og sýndi okkur  og leyfði okkur að sjá hjá hverjum og einum.

Áslaug Reimars.

Hugleiðingar um ITF102

Hugleiðingar um ITF102

Mér fannst ég læra mikið í þessum áfanga og voru verkefnin áhugaverð. Ég verð þó að segja að mér fannst of mikið af verkefnum í áfanganum, bæði miðað við hvað við misstum mikið úr en einnig vegna þess að vorum bara einu sinni í viku. Ég hefði viljað fleiri tíma og fara aðeins hægar í efnið. Ég hef ekkert teiknað áður og mér fannst ég þurfa meiri tíma til að tileinka mér þá færni sem ætlast er til af manni í áfanganum. En mér finnst voða gaman að teikna og ætla að halda því áfram. 

Takk fyrir önnina :)

Kveðja 

Rannveig Alda Haraldsdóttir 

Hugleiðingar um ITF 102

Mér fannst ITF 102 vera góður áfangi en ég vildi að við hefðum haft meiri tíma saman. Til að byrja með fannst mér skrýtið að hlusta á fyrirlestra um það hvernig á að teikna en fyrirlestrarnir voru góðir og kynntu allskyns tækni sem við gátum svo prófað okkur áfram með. Mér fannst best þegar tímarnir voru blanda af báðu, þe. fyrirlestur til að byrja með og svo tími til að teikna.
Það var virkilega gott að fá komment frá kennara en stundum hefðu helst þurft að vera tveir til að hjálpa okkur, við sem sátum aftast urðum stundum útundan!

Ég, eins og margir aðrir, var sett í 102 og 202 saman (og AHS313) þannig að það var mikið um teikningu þessa önnina! Það var svolítið skrýtið að vera taka þessa áfanga saman þar sem mér vantaði í rauninni grunninn fyrir 202....þetta bjargaðist auðvitað en eftir á að hyggja finnst mér að ég hefði geta gert margt betur í 202, eitthvað sem við vorum að byggja upp í 102 tímunum.

Uppáhaldsverkefnið mitt var trégínuverkefnið, mér fannst ég læra helling af því og það var gaman að klæða gínuna upp heima og pæla svo í hvernig væri hægt að gera alvöru flíkur úr því í lokaverkefninu.

Takk fyrir önnina :)

Ýr Kára

Hugleiðingar um ITF 102

Mér fannst áfanginn mjög skemmtilegur og verkefnin mjög áhugaverð, en skemmtilegasta verkefnið var trégínuverkefnið. Ég lærði alveg heilan helling á önninni og komin með grunn í líkamsteikningu og stíliseringu á gínum.
Ég er alveg sammála hinum að það hefðu mátt vera oftar skil á verkefnum yfir önnina.

Takk æðislega fyrir önnina þú ert frábær kennari :)


Auður Ýr Gísladóttir

Hugleiðingar um ITF 102

Mér fannst ég læra mjög mikið í áfanganum og hafði sérstaklega gaman af að læra að nota pappírsvöndul. Það var einnig mjög gott að læra að stílisera gínur og sjá hvernig raunverulegu módeli er breytt í tískuteikningu.  Mér fannst ég læra mest þegar kennarinn gekk á milli og hjálpaði hverjum og einum en það hefðu örugglega þurft að vera tveir kennarar eða helmingi færri nemendur til þess að það hefði verið hægt eins oft og maður vildi.
Mér fanst áfanginn hvetjandi og hann vakti löngun hjá mér til að læra meira.
kv. Þórunn Jens

Hugleiðingar í Itf

Mér Fannst ég læra helling yfir önnina í áfanganum t.d. um andlitin og stíliseringu líkama og fl. Leiðinlegt að missa út tíma þarna í byrjun :)

En ég verð að vera sammála þeim fyrir neðan með að það mætti vera reglulegri skil yfir önnina, þá gætum við líka tekið þau komment sem þú skrifar á myndirnar okkar og lært af þeim og ekki gert sömu mistöl á næstu mynd.. það myndi líka minnka vinnuna fyrir okkur og Hrönn í lok annar. Mér fannst ég líka stundum ekkert vita hvað ég átti að gera í tímanum :)

Takk fyrir önnina :)
-Heiða Björg

Hugleiðingar um ITF

Mér fannst verkefnin í áfanganum að öllu jöfnu góð og komin með þá allavega smá grunn í líkamsteikningu og stíleseringu á fötum, en mér fannst trégínuverkefnið skemmtilegast.

Ég held að ég hafi lært alveg helling á önninni sem á vonandi eftir að nýtast mér, þótt að við misstum doldið mikið af önninni útaf veikindunum.

En annars finnst mér  að það megi hafa reglulegri skil yfir önnina og sýna meira á töflunni í tímum hvernig við getum byrjað eða hvað væri góð aðferð að nota.

Takk fyrir önnina,

Sunna Líf.

Hugleiðingar um ITF

Mér fannst ég læra alveg slatta á þessum áfanga.
Margar teikniaðferðir sem ég hafði ekki hugmynd um. Var samt leiðinlegt hversu mikið við misstum úr vegna veikinda.

Áfanginn hefði geta verið settur betur upp. Skil á verkefnum nokkrum sinnum yfir önnina hefði verið mjög þægilegt.
Annars var þetta bara fínt yfir heildina.

-Brynjar

Hugleiðingar nemenda í ITF102 í lok haustannar 2011

Hér eru hugleiðingar nemenda sem stunduðu nám í ITF102 haustið 2011.